2009年11月25日 星期三

澳洲九天玩轉海陸空之旅Day 4

行程: Sun Lover大堡礁day tour


係Cairns有好多local agent代理各種tour package, 通常去到固邊格下價先book就最好.我地由於夜機關係,又想第二日一早就開始玩,慳番時間,所以係forum搵到個識講廣東話既agent問價.通常send左email contact佢地就ok, 佢地會問你香港電話號碼直接call你,問哂你既要求,提供一D package俾你,或者如果你係網上搵到D平D既package,佢地都可以幫你再以特價訂購.此外,如果你唔想煩, 佢地可以幫你plan埋去邊, 所以自由度都幾大.

我地於出發前問左個agent去大堡礁邊間公司好,佢話三間大公司都差唔多. QuickSilver同 Great Adventures既設備新D, 深潛都好D. 但Quicksilver要係距離Cairns 1小時既Port Duoglas出發,雖然船公司可以有專車接送,但係就要俾coach fee. Sunlover價錢就平D, 比其他兩間多左個玻璃底船.

所以適合D唔想落水既人.我地其中有兩個團友係唔落水,所以我地選左Sunlover. 由於Sunlover隻船都幾快,所以我地唔使咁早起身=P ,八點幾食埋早餐, 落Reception Check out轉海景房,寄存行李,九點施施然行去碼頭都得.因為我地專程搵左間係市中心既service apartment住,行去碼頭10-15mins, 隔離block就係night market,咁可以唔使俾AUD 15 coach fee(成HKD 1xx).


係海邊食早餐好relax



Yummy


Casino

由酒店行去碼頭約10-15mins



我地坐呢隻船去浮台, 聽講好多人都會嘔, 因為暈船浪. 所以大家如果去既話要食暈浪藥. (我好少暈船浪, 所以覺得ok).
 


Sunlover船九點半check in, 十點鐘開船,途中會講解浮漕同大堡礁既生態, 仲會有一個識講廣東話既馬來西亞職員照顧華人呢.大約十一點半到Moore Reef,佢地係固度設有一個大platform,我地無論玩咩都會係固度集合.客人上左platform就可以免費玩浮潛,玻璃底船,半潛艇. 至於深湣同直昇機就要額外加錢.

我本來唔打算落水既,因為我唔曬得,但原來佢地有防UV衫租, AUD 5一件,價錢ok, 又見到唔少外國人都有租,於是我都租左件衫玩浮潛啦.

其實一直以黎都有報導指大堡礁都受到破壞,冇以前咁好,所以我地都諗左好耐浮潛定深潛好.因為驚浮潛乜都睇唔到.但係最後我地都覺得要俾多AUD 1xx深潛太貴,二來個agent話一殷客人覺得浮潛已很足夠,所以我地決定snorkelling就算.好彩我地冇選錯咋. 因為珊瑚其實離我地好近,唔小心都會踩到佢地.二黎D水都幾清,已經足夠睇到哂水底情況, 再加上天氣好好, 藍天白雲, 太陽射向水面就令到個海好清.

浮潛地帶, 其實我見深潛都係度 =P




風和日麗
 大堡礁果然好靚,可以見到好多coluorful 既珊瑚, 仲有好多個人腦係水底呀!!呵呵,因為有D珊瑚個樣真伙係好似個人腦/腸 咁架.另外都有好多魚呀,其中最多既係黃尾魚同黑白間條魚.有時D工作人員會餵魚,成群魚係我塊面隔離游過,好得意架. 所以就算唔識游水都應該去玩下浮潛,因為海底世界真係好靚架.











今日係旅程之中仲識左個香港女仔呢,佢一個女仔去Cairns旅行,可能見我地講廣東話卦,所以就話一齊玩啦.後黎佢仲去我地間service apartment洗毛巾呢,我地五點半返回碼頭,個Cairns agent已經等緊我地啦,因為佢要confirm我地聽日既活動成唔成行,同埋俾埋尾數.我地得知聽日可以玩滑翔傘,所以都好開心呀.

免費大型泳池Lagoon

酒店風景



我地一行六人返去Hotel Check in轉房,今次呢間海景房個view好正呀.但係論間房就禽日固間正好多. 不過呢間都唔差啦.我地係個apartment休息左一輪,跟住就一齊食晚飯呀.
就係我地返回酒店途中,我就出事啦,係過馬路途中拗左個好既"柴", 固一刻真係痛到行唔郁,要坐係路邊休息! 過左5分鐘後,我開始冇咁痛,就拐拐下咁返酒店,有團友就去左便利店買冰俾我敷.由於聽日要玩四驅車同滑翔傘,都唔知玩唔玩到呢,但係已經俾左好貴既錢喎..... 於是我決定唔好諗咁多,訓醒左先算啦.







Dinner Time


2009年11月19日 星期四

澳洲九天玩轉海陸空之旅Day 3

行程: 熱汽球 => Lone Pine樹熊保育區 => 開恩茲



好慘呀!! 今日凌晨三點就要起身啦, 我地都好驚唔知醒, 因為大拿拿成千幾蚊架. 於是就call左reception 叫佢morning call我地啦.好彩我地都起到身. 梳洗完就係酒店大堂等汽球公司專車接送.
佢地搵到我地後, 我地就上左車, 經過大半小時就到達左Radisson Resort測風, 固時天都未光, 天
上面仲有好多星星陪住我地. 過左半個鐘, 其他乘客陸續到達, 我地隊車隊浩浩蕩蕩去另一地方測風. 點知測完之後又話要去返Resort起飛, 就係咁用多左時間啦.

等測風
 

晨光初露, 好美呀
 



抵達Resort附近既大草原後, 佢地開始卸下D用具, 開始set up好個汽球, 幫汽球充氣, 呢個時候太陽岩岩升起, 景色好美.



充完氣加左熱之後, 我地就爬入汽球內, 跟住汽球就開始升空啦. 由於好好天, 所以景色都好正, 可以欣賞到黃金海岸景色.





















三十分鐘既熱汽球之旅都好滿意, 時間都足夠, 因為一個鐘就會好悶.
 
汽球降落後要合力收番個汽球. 由於我地個package冇包早餐, 所以汽球公司就載番我地到酒店食早餐, 咁就可以慳番AUD 30 (熱汽球連早餐要俾多AUD30, 即 HKD 2xx)


合力收好汽球
 


食完早餐都仲有時間, 見天色咁好, 就再行出沙灘影相, 有藍天既襯托果然好好多.







我地係十點就check out hotel, 揸車去Brisbane Lone Pine Koala Sanctuary睇動物, 呢個保育區係全球最大樹熊保育區, 住左成130隻樹熊. 我地去既目的當然係抱抱樹熊啦, 因為係澳洲, 只有Queensland先可以抱樹熊, 連Melbourne, Sydney都唔得. 除左抱樹熊外, 仲有袋鼠任摸, sheep dog show, bird show, 仲有wobat and tasmanian devil等澳洲動物睇. 我地留左三個鐘就到Brisbane CBD食Lunch同去超市買野. 但係Brisbane CBD泊車好貴呀, 要成AUD 26 / hour !!! 我地都唔敢逗留咁耐, 一個鐘就離開直驅內陸機場, 還左車就坐夜機去Cairns.






















Brisbane市中心
 



到達Cairns都已經十點幾, 拎緊行李時, 聽到有人叫我, 原來cairns個local agent已經等緊我地. 由於我地幫佢買左兩個tour package, 所以佢免費車我地去酒店. 架車都好闊落下. 佢會簡單介紹一下個碼頭係邊, night market係邊等等, 然後車我地去酒店check in, 最重要梗係收埋尾數啦!!!

Cairns係進入大堡礁既其中一個地方, 佢有個碼頭. 好多公司都有船出海睇大堡礁, 所以住市中心比較方便. 因為參加大堡礁Cruise如果要公司接送往來碼頭都要AUD 15, 所以我地選左間service apartment係市中心, 行去碼頭二, 三個字, 可以慳番車錢.
 
Cairns係一個好energetic既地方, 你可以玩潛水睇大堡礁, 四驅車, 跳傘, 騎馬, 激流, 滑翔傘, 捉蟹, 睇crocodile, 遊覽熱帶雨林, 好多tour, 固度有條街成街都係agent, 你經佢地book tour有5%- 10% discount. 所以如果有時間就最好去到固度格左價先book tour.

我地因為夜機關係, 去到成十點幾, D agent都close哂, 所以我地要預先係香港搵一個當地既agent, 係香港經佢預先book定tour, 咁我地去到Cairns第二朝一早就可以開始玩啦.


當晚去到酒店, 個agent話我地其中三個原本book左既滑翔傘九成九都因為天氣問題而唔玩得,  叫我地諗定backup. 我地諗完一輪就決定plan B去玩激流. agent話第二日等我地玩完大堡礁就reply我地個結果.

我地今晚入住既係一間四星3 bedroom service apartment. 入面好大下喎, 都好正呀, 我地用lastminute rate book, 所以比原價平好多! (酒店詳情見酒店篇)



實用資料:
Hot Air Balloon
http://www.balloondownunder.com/
Lone Pine Koala Sanctuary
Mantra Trilogy Cairns
http://www.mantratrilogy.com.au/