一場虛驚澳洲塵世美之旅 Day 7 (Melbourne, Tasmania)

行程: Wineglass Bay => Freycinet Marine Farm => Kate's Berry Farm => Casildahouse B&B

Wineglass Bay, 我來了. 今日繼續Tasmania東岸觀光之旅. 第一站就係由Bicheno揸一小時車去到Freycinet National Park. 我地最主要梗係參觀著名既Wineglass Bay啦. 不過今日天陰陰咁, 可能會冇咁靚.

(早餐就係芝士夾麵包)

我地係Carpark泊好架車,整裝待發, 因為要上Wineglass Bay Lookout係要行成個鐘山先上到去架.

我地係carpark見到一隻Wallaby同佢既小Wallaby係一批香港人隔離, 佢似乎想叫遊客俾野佢食,
不過大家都覺得餵野生Wallaby唔係咁好. 班香港人只係同佢影相就算.

我地開始向Wineglass Bay進發, 其實成個行程來回要個半至兩小時, 仲要行三百多級樓梯, 都甘甘地架.我search過網頁見過有人話如果要落埋去wineglass bay仲甘. 所以我地只係上去Wineglass Bay lookout算啦. 行左幾百級樓梯終於都到左Wineglass Bay Lookout. 不過..... Wineglass Bay居然俾舊雲遮住左!!Oh. no >_< 我地逗留左一陣佢都係散左少少咋, 冇辦法啦, 唯有落番山啦. 我地落山途中見到頭先班香港人慢慢行緊上黎, 因為佢地當中有老有嫩呢.

 

(酒杯灣俾雲遮住)

 

我地行到分岔路就選左另一條路去Carpark, 沿路既山路唔係太平坦, 所以如果要去Wineglass Bay既話老人家同唔行慣山既人要小心D啊.

行完Wineglass Bay就順手揸車去出番少少既Honeymoon bay睇下, 因為見過網頁D相都幾靚. 點知..... honeymoon bay潮退乾左塘, 真係好失望忝.

(Honeymoon Bay乾了塘)

我地無奈之下去Freycinet Marine Farm食午餐. 最主要緊係食蠔啦, 我地叫左個seafood platter, 不過唔知係咪唔係散叫呢, 固D蠔太瘦小唔係好肥美, 味道就ok既.

Oyster唔夠肥美

食完蠔我地又去另一個地方食過, 今次係食飯後甜品. 目的地就係位於Swansea既Kate's Berry Farm. 主打當然係Berry Product啦. 

 

 

園主Kate種左好多唔同既berries, 佢用呢D berries整左ice cream, pie, milk shake, scones, jam. etc.
佢仲有整朱古力呢. 司機團友叫左個strawberry ice cream, 肥團友叫左scone, 我就叫左blueberry pie同milkshake. 開頭以為個blue berry pie會好甜, 點知唔係好甜咋喎, pie內既blueberry比係香港超市買到既比較大粒同甜, 真係幾好味喎.

fresh strawberry milk shake

blueberry pie唔會過甜, 仲啖啖果肉, 好味

我地食完dessert就要揸個多小時車去Sorell, 原本我地係諗住直接去左今晚B&B先架, 不過因為B&B附近既餐廳選擇少, 而且聽B&B Host講好早就close, 所以我地決定去左Sorell食dinner先, 然後先揸多半小時車去Dunalley.

我地去到Sorell都五點幾, 於是諗住係附近行下先, 但係我地發覺冇野好行! 佢既所謂department store得一間好舊既店買D好唔吸引既衫, 呢個時候突然又諗番起香港幾好, 因為香港周圍都係shopping centre, 要買野行街好方便又唔會悶.

我地最後要去老麥飲杯野坐下玩wifi等食dinner. 終於到左6:00, 我地就去原先搵左既一間餐廳食Pizza, 因為Pizza係澳洲菜黎講比較平呢.



(restaurant in Sorell, 一般啦, 勝在Pizza價錢比較平)

食飽飽再走去Woolworth入少少貨, 係時候起行去Dunalley. 我地前一日已經email俾B&B Host Tony同Kathy, 話佢知我地晚上8:00到達, 佢會預先點定火爐等我地, 真係細心.

Kathy一見我地就從佢間屋出黎歡迎我地, 佢仲介紹佢隻狗Ripper同佢既3隻鴨比我地識, 佢話共中一隻唔得閒理我地因為佢忙住sit on the eggs, 呵呵.

Tony就帶我地去佢間屋後面既屋, 佢話今晚只有我地3個客人. 所以我地可以用哂個客廳同飯廳. 呢間B&B既裝修以英式為主, 好典雅. Kathay忙於泡茶俾我地飲, 仲俾左佢整既cookie俾我地食, 都幾好味喎.

(B&B主人泡茶招待我地, 好nice)

Tony同我地閒聊, 似乎佢對中國文化幾有興趣, 佢對我地個excel schedule上既中文字好有興趣, 仲問我地有冇返上mainland呢. 原來Kathay好多年前都係香港住過兩年. 仲住係美孚新村忝.

我地傾左一陣計, 佢地就唔再打攪我地番去自己間屋度啦. 成間屋就成為我地既天地啦. 其實我地選呢間B&B既原因係因為佢近Port Arthur, 半小時已到. 二黎佢有wifi. 不過呢原來佢個wifi係Host間屋度放出黎, 所以我地間屋接收得好差.正確黎講收得最好就係企正門口個位!! 或者飯廳近窗口都有機會收到咁, 唉, 佢地應該換個好D既router啦.



(英式佈置, 好好feel, B&B仲有games玩同書睇, 由於今晚得我地一批客, 所以可以用埋common lounge)

(welcome port and sherry)

(多款tea選擇, 好正)

實用資料:

Wneglass Bay lookout
http://www.parks.tas.gov.au/?base=1472
酒杯灣係東岸其中一個著名景點, 來回Wineglass Bay Lookout要1 1/2 至 2小時.

Freycinet Marine Farm
http://www.freycinetmarinefarm.com/
食海鮮Oyster等等, 不過唔知點解覺得Oyster唔肥美

Kate's Berry Farm
http://www.katesberryfarm.com/
有多種berry product, 仲有homemade berry ice cream, berry pie同berry milkshake

Casildahouse B&B
http://www.casildahouse.com.au/

優點: 位處海邊
好味早餐
free wifi
主人好nice, 服務好. 未到達前主人已經點定火爐, 又泡茶又俾homemade cookie我地食.
近Port Arthur
英式佈置好舒服

缺點:wifi signal好弱, 要企係門口先收到

比較偏僻, 附近冇乜野行, 餐廳相對早關門

 

一場虛驚澳洲塵世美之旅 Day 6 (Melbourne, Tasmania)

行程: Launceston => Bay of Fires => Bicheno Blow Hole => Bicheno Penguin Tour



今日我地開始向Tasmania 東岸進發. 不過一早起身見到出面天陰陰, 仲好似想落雨咁.
真係擔心天色唔好影響景觀. 因為我地今日諗住去比較遠既Bay of Fires欣賞大自然景色.

 唔好諗咁多, 不妨去左固度先算啦. 我地首先煮早餐先, 屋主提供左早餐籃俾我地,
有蛋, 罐頭, 麵包, 果醬, conflakes等等, 都好夠食架. 我地食完早餐就出發去Launceston
Downtown先, 因為我地要繼續搵郵局寄鎖匙啦. 去到downtown已經落緊雨. 我地係Post Office
用左 AUD 2.2寄番條鎖匙去Apollo Bay既B&B, 跟住就要揸兩個半小時車去St Helens.

 

GPS選左條山路去St Helens. 沿途要經過好多迂迴山路, 仲要大霧到睇唔係好到前面.
真係要佩服司機點解咁都可以揸到咁快. 後黎揸到一個轉彎位見到前面有架車反埋呢.

(你係得既, 咁都睇到路揸車)

過左兩個幾小時終於到達St Helens. St Helens係去Bay of Fires最想經既地方, 佢係一個漁港, 所以最好就係食海鮮. 不過我地冇係度食海鮮, 因為我地之前係Launceston耽誤左時間, 大家驚唔夠時間所以就冇去食lunch, 諗住又係咬包算.

我地係St Helens Visitor拎左d資料, 再去IGA Supermarket買左包, 之後就去Bay of Fires.

Bay of Fires係St Helens以北, 由Binalog Bay至The Garden既一段路, 沿途有長長既沙灘, 真係名副其實水清沙幼, 再加上佢有好多橙色既天然大石. 景色優美.更被Lonely Planet譽為"the world's 'hottest' travel destination for 2009"

(邊個咁衰整到舊石咁既顏色呢? 唔係唔係, 係天然色黎架.)

 

去Bay of Fires沿途好大霧又大雨, 唉, 去到Bay of Fires都睇唔到靚景架啦. 不過真係好好彩, 去到Bay of Fires時天色開始放晴, 太陽伯伯開始露面, 照耀係Bay of Fires海灘上, 藍天白雲, 水清沙幼, 真係好靚. 不枉我地冇直接揸去Bicheno.

(藍天碧海)

 

欣賞完Bay Of Fires既美景, 我地由北向南駛去Bicheno. 不過首先要去Apartment Checkin先.
因為我地今晚唔係住正係Bicheno, 而係Bicheno上少少既地方. 因為呢間Apartment有Free Wifi.
價錢又合理, 一間三房Apartment都係AUD 185, 好抵住. 最好就係有海景睇, 所以都好期待.

過左一小時終於到達Apartment啦, 原來係Apartment前面仲可以見到羊咩咩, 真係好.

我地放低哂d行李, 就出發入Bicheno, 其實Aparment就係Diamond Island Resort隔離, 距離
Bicheno都係5分鐘, 所以好方便.

去到Bicheno, 我地去左Bicheno Penguin Tour報名參加今晚既Penguin Tour. 其實我有諗過究竟join唔join tour好, 因為係網上見到有人話係Sealife Centre Restaurant對出可以免費見到企鵝, 餐廳職員仲會俾電筒你去照忝. 不過就唔係個個都搵到企鵝. 另外我住既Apartment Manager話Apartment對出沙灘都有企鵝. 佢話D企鵝會走入Apartment Deck下面, 矮樹叢中.不過我地為左可以睇到企鵝, 所以決定穩陣D join tour. tour職員叫我地夜晚8:45分集合.

報完名我地去Bicheno另一景點Blow Hole. 其實就係一個有水柱噴出既洞. 不過唔知點解人地見到既水柱咁高.而我地見到既又冇咁高呢.

 

 

我地係Blow Hole附近行左一陣, 見到有人係個石下面望望下, 我地又一齊望下. 啊! 原來石下有隻小企鵝休息緊.等緊父母夜晚返黎餵食.

 參觀完Blow Hole都係5:00咋, 於是我地去左Sealife Centre Restaurant訂定今晚7:00食飯, 之後就返Apartment休息 玩wifi洗衫, 仲坐係Apartment前面露台睇羊咩咩同靚靚海景呢. 呢間Apartment既wifi係收得最好既, 因為個Router就係Apartment裏面.

我地Hea下Hea下差唔多7:00啦, 係未出發去Sealife Centre晚餐前, 我同明明就行左出去Apartment對出既沙灘行下. 其實我地Apartment對出既地方已經俾人買左, 已經係私人物業. 不過Apartment Host問准左物業主人, 允許Apartment住客經過佢地條私家路走出沙灘, 真係好啦.

(Apartment對出沙灘, 對面就係Diamond Island, 潮退可以行過去呢)

欣賞完沙灘同Diamond Island景色. 我地就揸車出去食晚餐. 呢間餐廳主要食海鮮既. 味道幾好. 不過呢都唔知點解外國人好鐘意將新鮮海鮮炸哂怇地. 好浪費啦. 中國人比較著重海鮮鮮味, 都會用蒸炒等煮法, 至於炸喎, 中國人一般會用冇咁新鮮既海鮮. 因為炸左可以遮蓋冇咁鮮既肉味o痳.

(呢間餐廳對出可以見到企鵝)

明明就食左Fish of the day, 終於係煎架啦, 佢話幾好味喎.我地一面吃一面欣賞海景, 可惜既係, 我地錯過左見鯨魚既機會, 因為餐廳職員話20分鐘前見到鯨魚呢.

到左8:30我地就去Penguin Tour門口集合, 原來我地之前已經有兩班人出發左啦, 似乎都幾多人睇企鵝喎. 不過越夜就越凍咁. 到左8:45, 我地就上左佢地架巴士,
出發去睇企鵝. 我有D好奇想知道究竟我地會去邊, 於是就開左個電話GPS睇下.結果佢居然去左Diamond Island Resort隔離!! 係好近我地既Apartment咋.
知先唔使join tour啦. 不過固度似乎係佢地私人地方黎. 外人應該唔可以入去咁.

企鵝通常日間到海中覓食, 要到夜晚先會上岸返屋企餵小企鵝. 我地跟隨導遊去海邊睇企鵝, 見到十幾隻企鵝係沙灘行緊上黎, 佢地好細膽咁望黎望去, 又一面整理自己既毛髮. 好可愛. 不過Penguin Tour係唔可以影相架, 呢D相都係事後email俾Penguin Tour叫佢地提供架咋.

(兄弟們, gogogo)

Penguin Tour大約一小時就完結啦. 我地都揸車返Apartment休息.

(房間望海架)

 實用資料:
St Helens seafood Restaurant
Blue Shed
http://blueshedrestaurant.com.au/

Bay of Fires
http://www.parks.tas.gov.au/index.aspx?base=4012
被Lonely Planet定為最美沙灘20009, 水清沙幼, 好靚

Bicheno Blow Hole and other attractions
http://www.beachendbicheno.com.au/bicheno.html
Bicheno景點

Bicheno Penguin Tours
http://www.bichenopenguintours.com.au/
Bicheno最出名係睇企鵝

Sealife Centre Restaurant
http://www.sealifecentre.com.au/

Nature World
http://www.natureworld.com.au/
可以睇tasmania Devil等動物

Beach End Bicheno Apartment
http://www.beachendbicheno.com.au/
優點:3 bedroom apartment都係AUD 185 (3人價), 算好抵住
海景, 前面仲有人放羊.
free wifi, 仲要係收得好好
有得洗衫煮飯
距離Bicheno Town都係五分鐘

缺點:
如果真係要講缺點, 就係唔係係正Bicheno town.
出面好多飛蟲, 入屋要好小心
Apartment冇包早餐