熊出沒注意: 2月 2012

行程: Queen Victoria Market => Rose Market => China Town => South Bank Crown Casino => Melbourne CBD

今日係行程最後一日啦, 我地因為坐超夜機關係, 所以仲有大半日時間玩. 不過我地都唔打算走遠, 打算係Melbourne市行下算啦.

我地首先checkout左酒店同寄存行李先. 不過呢間酒店寄存行李要AUD 5/ locker. 我地有2個大行李, 所以租左兩個locker. 無辦法啦, 呢間酒店平痳. 加埋都係AUD 149, 平過好多酒店.

寄存行李後我地就去食早餐, 團友們都唔介意食老麥, 於是就走左去食早餐, 今晚先豪一豪.老麥早餐選擇比香港少, 仲要價錢唔平, 真係好想食香港既早晨全餐! 我最後叫左熱香餅.

早餐過後我地就行去Queen Victoria Market行下, 呢個Market係Melbourne最出名既Market. 都幾大既.有好多女人街咁既店舖, 另外有買肉類海鮮市場. 行左個多小時就離開去肥團友想去既Rose Market.佢話見到網頁有靚女睇喎. 不過呢個Rose Street Market係Fitzroy, 所以正常黎講要搭車過去. 點知大家居然話要行去. 無奈之下咁就行去啦. 我地用左成45分鐘行過去, 終於係一條好靜既街仔見到招牌. 不過.....
呢個Rose Street Market得幾檔藝術品檔口, 5分鐘已經行完. 我地望住肥團友話"hm... 呢個就係好多靚女既Rose Market....."

用5分鐘行完Rose Market, 我地就行番入Melbourne CBD食lunch. 見到有間食日本野既, 價錢唔係太貴就入去order左咖哩飯試下. 味道就普通啦.

lunch後我地就行左去唐人街, 因為團友既朋友們都想托佢地買野番香港, 一個要鯊魚丸, 一個要銀色盒既潤唇膏.我地沿住唐人街一路搵一路格價, 最後居然咩野都冇買. 因為團友話鯊魚丸太大盒太重! 另一團友就搵黎搵去都搵唔到銀色盒既潤唇膏! 冇辦法啦. 不過我覺得買唔買都冇咩損失, 因為我見有好多一團團旅行團入去呢D店買野, 似乎又係D收Commission殺你一筆既鋪頭啦.

遊完唐人街我地慢慢行去South Bank固邊, 過橋時諗住影下河景, 但係見到河水好啡好似好污濁咁, 興致都減左.之後我地繼續向住賭場進發. 因為我朋友係話賭場好grand. 但係去到都不外如是啫. 我地又唔賭D名店又唔岩我地.於是我地又返回中心區域. 行行下見到有間大百貨公司, 難得佢仲開門我地就入去逛下. 行到六點係時候食飯啦.

由於係行程既最後一餐啦, 所以我地決定豪一豪, 係一間叫Coda既餐廳食晚餐. 其實間餐廳係間bar黎. 我地入到去時見餐廳冇咩人, 唔知係咪唔好食呢. waitress同我地講原來都已經訂滿哂, 只得番一張高檯. 我地話冇所謂啦.

我地坐低坐後, Waitress奉上Menu, 我地發現呢度既菜式係亞洲大集匯.因為有吞拿魚刺身, 有宮保雞, 有咖哩等等.咁奇怪都唔知好唔好食. 我地order左吞拿魚刺身沙律, 牛同魚. 估唔到味道都幾好喎. 所以我地決定order埋甜品.到呢個時候成間餐廳已經坐滿哂人啦. 我地慢慢食到8:00, 埋完單就行去Woolworth作最後一擊掃手信. 跟住就拎住大袋細袋返酒店拎番哂行李, 將頭先既戰利品pack好, 就浩沾蕩蕩行去south cross station坐機場巴士前往機場,結束11日美景之旅啦.