哈哈, 應該話下下一站都係新加坡!!! 點解?
由於要清假關係, 我原本諗住五月會去新加坡一個星期, 因為親戚話五月係新加坡考試, 所以機票都會平D. 就係我諗定幾時請假既時侯, 朋友仔既大哥四月會由加拿大返香港, 順手想去新加坡玩, 於是我係五月前又多左個四日Ad Hoc新加坡之旅啦. 不過呢兩次新加坡之旅會有所不同, 一個應該會係豪食豪住之旅.
一個會係平食平住之旅.
機票:
都唔知點解多左好多人去新加坡, 攪到機票酒店既價錢被扯高.
我有個朋友上年復活節去新加坡, 住四星酒店要六千幾蚊! 真係恐怖.
講番張機票啦, 來往新加坡既機票豐儉由人, 新加坡航空及國泰屬於貴既, 正常黎講佢既機票一般都要二三千幾. 不過係淡季時佢會有二人同行優惠, $1100都有一
張2-7日有效期既機票, 加埋稅大約$1800. 價錢算幾合理架啦. 因為一般人去新加坡都係四五日, 所以機票夠用.
至於我呢, 四月既新加坡係豪食豪住, 所以機票都係新航國泰呢類機票.不過五月既平食平住之旅由於得我一個人出發, 唔可以用二人同行價.
所以我選擇坐廉航. 新加坡廉航有jetstar及tiger airways. 佢地票價通常以每程計. 你自己睇下航班同budget去決定選邊程. 例如我買既機票去程 HKD 488, 回程 HKD 558. 呢個價錢係包hand carry咋. 如果你要加行李就有個地方選擇. 我就用左HKD 100每程加左20kg行李.結果我既機票大約HKD 1640 (包tax and charge). 可以去成9日忝. 雖然冇飛機餐提供, 但係來回新加坡都係三個幾鐘啫, 之前係機場食左先都得啦. 另外因為我唔需要住酒店, 所以我選擇左夜機, 凌晨12:xx先到新加坡, 有親戚揸車接送, 唔需要自己搭車, 夜機又平D, 真係好.
酒店:
豪食豪住團要住四五星酒店, 位置黎講通常City Hall附近酒店就比較方便. 因為City Hall係轉車站, 所以唔使轉咁多車. 同時City Hall有幾間大型Shopping Mall. 例如Suntec City, Marina Square, Raffles City等等.裏面又有Food Court, 所以好方便. 另一個選擇就係Orchard Road. 因為Orchard Road又係有好多大型商場食店. 所以好多酒店都座落係度.
平食平住團呢就係住親戚屋企!!!!! 唔使錢仲唔平咩? 所以先可以去多幾日咋.
呵呵.
不過我唔會9日都係新加坡既, 親戚已經book了一晚吉隆坡酒店, 諗住由新加坡揸車上去吉隆坡hea兩日一夜. 由於有4個人, 所以book左間係雙子塔隔離既Service Apartment, 佢三房價錢居然同兩房一樣, 所以我地book左間三房.
http://www.crownregency.com.my/crown/
而家要好努力搵野食, 因為豪食豪住團既團友係食既方面真係好煩. 因為有人唔食辣, 有人唔食魚, 有人唔食椰汁, 奶製品, 有人怕熱冇冷氣!!!!! See !!!!!
至於平食平住團啦喎由於有親戚帶路, 所以希望食到本地人既野.
好啦, 有Update會告訴大家
